كورس منتسوري Montessori course- تمارين الحياة العملية - WASHING HANDS

من تمارين الحياة العملية تمارين العناية الشخصية مثل غسل اليدين والوجه والاسنان وتصفيف الشعر وتقليم الاظافر ولكل هذه التمارين طريقة او خطوات تتبع لتعليم الطفل وسوف نبدأ بتمرين غسل اليدين

كورس منتسوري Montessori course- تمارين الحياة العملية - WASHING HANDS

من تمارين الحياة العملية تمارين العناية الشخصية مثل غسل اليدين والوجه والاسنان وتصفيف الشعر وتقليم الاظافر ولكل هذه التمارين طريقة او خطوات تتبع لتعليم الطفل وسوف نبدأ بتمرين غسل اليدين

كورس منتسوري Montessori course- تمارين الحياة العملية - WASHING HANDS

من تمارين الحياة العملية تمارين العناية الشخصية مثل غسل اليدين والوجه والاسنان وتصفيف الشعر وتقليم الاظافر ولكل هذه التمارين طريقة او خطوات تتبع لتعليم الطفل وسوف نبدأ بتمرين غسل اليدين

كورس منتسوري Montessori course- تمارين الحياة العملية - USE OF FUNNEL

من ضمن تمارين الحياة العملية استخدام القمع لملئ زجاجة ... من التمرين اللي بتمرن التحكم عند الطفل وكمان صوت السائل وهو نازل في الزجاجة بيثير اهتمام الطفل وممكن تبدلي الماء بالرمل مثلا ح يعطي صوت مختلف وكمان ح يمرن الايد اكتر .. جربيها معاه وطبعا ح افهمه قبل التمرين اننا بنحاول اننا مانخرجش الماء بره الزجاجة ...

كورس منتسوري Montessori course- تمارين الحياة العملية - SPONGING WATER

مازلنا بنتكلم في التمارين الاولية للحياة العملية قلنا انها تمارين بتعد الطفل للمراحل الجاية مثلا تمرين انهارده نقل الماء من وعاء لاخر باستخدام اسفنجة ده بيأهل عضلات ايد الطفل كويس للكتابة وطبعا بيكون تمرين سابق لتمرين غسل الملابس .. طيب دي فايدته بس لا طبعا كمان بيساعد على تناسق حركات الطفل - بيعلي تركيز الطفل التركيز اللي احنا محتاجين الطفل يوصل له قبل ماادخل على التعليم الاكاديمي .. طيب ابدأ التمرين ده مع ابني /بنتي من سن كام ؟؟ ثلاث سنوات فما فوق تمام ... يلا اعمليه معاه كل اللي ح تحتاجيه والطريقة والاهداف مكتوبين عندك في بداية الفيديو

كورس منتسوري Montessori course- تمارين الحياة العملية - WRINGING A WET C...

احنا لسا بنشتغل في تمارين الحياة العملية : قلنا نعلم الطفل يستقل ويعتمد على نفسه مثلا عايزة اعلمه يغسل شرابه يبقى لازم اعلمه ازاي يعصر الاول وكمان والاهم عايزة امرن عضلات ايده استعدادا للكتابة وعايزة انشط عقلة وازود الترابط بين العين والايد يبقى نعمل التمرين ده

كورس منتسوري Montessori course- تمارين الحياة العملية - BEGGING

على سن سنتين ونصف ح ابتدتي اعلم ابني التمرين ده عشان اعده لتمارين الكتابة وامرن عضلات الايد بشكل كويس ... تمرين المشابك .. تقدري تعملي كذا تمرين اضافي ليه باستخدام انواع مختلفة من المشابك وبنس الشعر وتخليه يبتدي يدخلهم في كرتونة بكرة ورق التويلت

كورس منتسوري Montessori course- تمارين الحياة العملية -POURING GRAINS

كورس منتسوري Montessori course- تمارين الحياة العملية -FOLDING

عرفنا اهمية سجادة العمل وان قبل مانشتغل اي تمرين لازم اجيب سجادة عمل وافرشها عشان اعمل التمرين عليها سواء كنت ح اشتغل على الارض فبتكون السجادة كبيرة نوعا ما او ح اشتغل على الطاولة فبتكون السجادة اصغر ..
طيب فايدة السجادة ايه ؟؟ قلنا بتخلي الطفل يركز في منطقة العمل - وكمان بتخلي الاشخاص الاخرين اللي حواليه يحترموا منطقة عمله ولو مروا بيمروا حوالين السجادة ...
طيب وعشان هي مهمة لازم الطفل يتعلم ازاي يفردها وقت الشغل وبرضو لانه منظم لازم يتعلم ازاي يطويها عشان يرجعها مكانها بعد مايخلص شغله
طيب كل ده ازاي ؟؟؟ اتفرجي ع التمرين ده عشان تعلميه ازاي

كورس منتسوري Montessori course- تمارين الحياة العملية -OPENING &CLOSING ...

علشان اعلم الطفل يساهم في اعداد طعامه مثلا يعمل ساندوتش لنفسه يبقى لازم اعلمه الاول يفتح ويقفل كل انواع الحاويات مثلا البرطمانات - الزجاجات - العلب وكمان التمرين ده ح يفيده في تقوية عضلات اليد ويجهز الايد للكتابة فيما بعد

كورس منتسوري Montessori course- تمارين الحياة العملية - THREADING BEADS

ابنك ح يدخل مدرسة السنة الجاية وطبعا ح يحتاج يكتب ح تعملي ايه ؟؟؟ اوعي تقولي ح اجيب كراسة وامسكه قلم ويلا نتعود نكتب ..!!!! لأ طبعا ده يأثر تأثير سلبي جدا على عضلات الايد طب ح تعملي ايه ؟؟؟ ح امرن عضلات الايد والاصابع في الاول واقويها وبعدين ابدأ تمارين الكتابة .. طيب ايه التمرين اللي انصحك بيه ؟؟؟ تمرين لضم الخرز على اختلاف احجامه ابتدي بالخرز الكبير وبعدين الاصغر ... شوفي كام حركة بتعملها الايد عشان تمسك الخرزة وتمررها في الخيط ؟ طيب في فايدة تانية للتمرين طبعا ... بيقوي الترابط البصري الحركي - ممكن استخدمه في تصنيف الالوان والضم كل لون على حدى ... وكتير تمارين ممكن افرعها من تمرين اللضم ..

كورس منتسوري Montessori course- تمارين الحياة العملية - TURNING PAGES OF...

كورس منتسوري Montessori course

كورس منتسوري Montessori course

كورس منتسوري المحاضرة الرابعة تمارين الحياة العملية

كورس منتسوري المحاضرة الرابعة 

تمارين الحياة العملية

كورس منتسوري المحاضرة الثالثة - الفترات الحساسة - الحرية و الانضباط - الطفل الاجتماعى

كورس منتسوري المحاضرة الثالثة 

- الفترات الحساسة - الحرية و الانضباط - الطفل الاجتماعى

كورس منتسورى المحاضرة الثانية مراحل نمو الطفل والثواب والعقاب عند د. منتسوري وركن السلام

كورس منتسورى المحاضرة الثانية مراحل نمو الطفل والثواب والعقاب عند د. منتسوري وركن السلام

 كورس منتسورى المحاضرة الثانية 

مراحل نمو الطفل والثواب والعقاب عند د. منتسوري وركن السلام

كورس منتسورى المحاضرة الاولى اكتشافات د. ماريا منتسوري و مبادئ منتسورى

كورس منتسورى المحاضرة الاولى 

اكتشافات د. ماريا منتسوري و مبادئ منتسورى

كورس منتسوري - المحاضرة الخامسة - تمارين الحياة العملية 2

HOLDING A GLASS

ونكمل تمارين الحياة العملية وازاي اعلم طفل ازاي يشيل كوب - في الاول فاضي وبعدين املا ثلثه ماء وامرنه يشيل بالايد اليمين والشمال اتفرجي ع الفيديو ده وشوفي الطريقة ...و تابعي المحاضرة الخامسة عشان تعرفي اكتر عن تمارين الحياة العملية انتظروني

HOLDING A TRAY

زي ماينفعش في المنتسوري اني اعمل نشاط من غير سجادة العمل اللي اتكلمنا عنها في الفيديو اللي فات - كمان لازم دايما يكون معايا صنية العمل Work Tray ودي عبارة عن صنية بحط عليه النشاط عشان انقله عليها للمكان اللي ح اعمل فيه النشاط - شروطها بس ان الوانها تكون جذابة للطفل - اما عن طريقة شيلها وطبعا شيل اي صنية ايا كانت .. ح تشوفوه في الفيديو ده .. والمرة الجاية ح نتكلم عن نشاط جديد استنوني

Selecting A Mat

قبل ماابدا اي تمرين في المنتسوري لازم اختار سجادة عمل ... ايه دي ؟ دي ياستي سجادة قريبة الشبة بسجادة التمارين الرياضية لو كان الطفل ح يشتغل في الارض وسجادة اصغر لو كان ح يشتغل على الطاولة ... طيب وح نحتاجها في ايه ؟؟؟ بتحدد للطفل منطقة العمل بتاعتو وبتخليه يركز فيها وبس وبيبعد عن اي مشتتات ... طيب هي ليها لون معين ؟؟؟ مش مهم اللون لكن مهم انها تكون سادة ولونها مريح للعين ... اتفقنا عشان الرسومات تعتبر من المشتتات للاطفال .. تمام طيب وعشان انا في نظام المنتسوري لازم اشتغل بخطوات وكل تمرين بيعتبر خطوة اولى يتبعه تمرين اخر مترتب على الاول ... المهم 
اول تمرين لينا اننا نختار السجادة لو كان عندنا كذا واحدة بتركله حرية الاختيار بينهم .. والمرة الجاية اشرحلك ازاي ح نفردها عشان نقعد نعمل التمرين ... المرة دي ح اطبق على سجادة ارض



 ... تابعي التمرين واستنيني بكرة في تمرين جديد

ابني شقي جدا- بيتحرك كتير - مش بيركز ف اي حاجة - اعمل ايه ؟؟؟؟

ابني شقي جدا- بيتحرك كتير - مش بيركز ف اي حاجة - بيبكي من اقل حاجة - عصبي جدا - مش مرتب وألعابه ف كل ناحية في البيت ...ايه السبب ؟؟اعمل ايه ؟؟ 

ابنك بيعاني من عدم وجود وظيفة .. مش مشغول بأي حاجة وعشان كده بيمل على طول ... الحل ... اشغليه بحاجة تشبع رغباته مش بألعاب هو شايفها تافهة .. اتفرجي ع الفيديو ده وطبقي معاه تمارين الحياة العملية ... كل يوم ح انزلك تمرين تعمليه معاه .. 

تابعيني .. هدى عبد العزيز

لما ابني يكون مصمم اني احمله طول اليوم ... وكأني حصانه الوديع أعمل ايه ؟؟؟؟

علمي ابنك يكون مسئول

في يوم من الايام جاتني أم وكانت منهارة تشكو من ابنها ... مصمم انها تشيله في كل مكان رايحة له .. حتى لو كانت رايحة تشتري اغراض البيت ولو نزلته ع الارض يظل يبكي لما ترجع تشيله من جديد وكأنها حصانه الوديع او الباص الامن تشيله ورجله متدليه حولين وسطها متشبث بيها وكأنه جزء منها وبين كل وقت والتاني يناديها ماما ماما .. يمكن بيأكد حقوق الملكية !!!! 

المهم هي كانت منهارة وبتشتكي مش عارفة احس اني عايشة من ساعة مااتولد وأنا وهو لا نفترق في اي مكان هو معايا في المطبخ وانا بطبخ وانا بغسل وانا باكل وانا نايمة وانا ..... اعمل ايه ؟؟؟؟ المشكلة الاكبر في الشارع وفي المواصلات انا تعبت من اني اشيله 

الحل ابسط مما تتخيلي .. اتركيه على الارض .. اتركيه يمشي وبطلي تشيليه .. واصبري عليه .. قالتلي استحالة يسكت ح يبكي بلا انقطاع لحد مااشيله من جديد .. قلت : ولوبكى فيها ايه ؟؟ اعملي نفسك مش شايفة وكملي طريقك بس راقبيه وشوفي النتيجة ... بالفعل عملت كده ف الاول نام ع الارض وقعد يخبط في الارض ولما لقى مافيش فايدة حصلها ومسك ايدها ورجع يبكي من جديد ... وهكذا اتكررت القصة كام يوم مرة يبكي ومرة يسكت لحد لما اتعود ... وحس باللي كان محروم منه .. واصبح هو اللي بيرفض انه يتشال ويقول :( انا كبير .. أنا بعرف أمشي لوحدي ) 

بدأ يمشي يتفرج ويستمتع باللي حواليه وكأنه سعيد أنه بيعمل زي الكبار وكأن لسان حاله بيقول : ( هو كده الكبار بيعيشوا حياتهم ؟؟ هو كده بيكونوا مسئولين ؟؟ ) 

الطفل كائن غير معد ... يحتاج أن يمر بخبرات وتجارب معينة ليتم إعداده واكتمال نموه ووظيفة الآباء مساعدته حتى يعلم نفسه بنفسه

طريقتي في الدراسة 2.....!!!!!

طــــريقـتـــي في الــدراســــــة 

مــن كـــتب المنتــــــسوري : 

في البداية كنت بقرا فهرس كل كتاب وقدرت تقريبا أرتب أفكاري وأعملي فهرس خاص بيا فيه الموضوعات مرتبة بالشكل اللي أنا شايفاه يعمل تسلسل مفيد : يعني  مثلا 

* السيرة الذاتية للدكتورة ماريا انا قعدت أدرس فيها شهور ليه ؟؟؟ عشان رجعت لكل الكتاب وعلماء النفس والتربويين وحتى علماء الطبيعة والنبات يعني كل شخص اتكلمت عنه وقالت انها اتأثرت بيه انا قريت عنه وكمان لو كان له كتب دورت عليها ونزلتها وحاولت أقراها سواء كنت بالانجليزية أو بالعربية ...
مثلا كتاب دكتور ايتارد وسيجون بالصدفة اتحصلت عليه من النت من عدة سنوات وح اتكلم عن التفاصيل اكتر في بوستات تانية ..

* وانتقلت من السيرة الذاتية لبيت الطفل اللي قامت هي بانشاؤه وجمعت كل المواد العلمية عنه سواء مكتوب او مسموع ومرئي واستفدت كتير جدا من ده لأنه كان بمثابة الدراسة التمهيدية لأسلوب المنتسوري 
وبعدين بديت أدرس الأدوات اللي استخدمتها برضو كل ده كان مجرد مقدمة 

*وبعدين بديت اجمع الأجزاء النظرية اللي في فهارس الكتب واجمعها كلها مع بعض كأني ح اكتب كتاب فمثلا : مراحل النمو جمعت كل حاجة اتكتبت عنها في كل كتاب 
وكذلك المراحل الحساسة وبديت اتنقل من نقطة لأخرى ... وبالطبع دراستي ماكانش مرجعها الكتب بس لكن أيضا النت وكان في كنوز مش عادية .. 

وكمان دراستي لم تقتصر على التعليم لمرحلة عمرية معينة ولكن أنا درست كويس كل اللي اتكلمت عنه منذ الولادة وحتى 3 سنوات - ومن سن 3:6 سنوات ومن 6:12 طول ماكنت ببتدي مرحلة بلاقي نفسي عندي نهم للمرحلة الثانية وهكذا 

طيب اكيد ممكن تكونوا بتسألوا طيب ليه ماعملتش الكورس ده من سنين فاتت او البلوج ده ... السبب اني بناتي كانوا في مراحل التعليم المهمة وحاليا كل واحدة فيهم بفضل الله في دراستها الجامعية وعرفت طريقها كويس واصبح عندي الوقت اللي ممكن اساهم بيه وأتمنى رب العالمين يقبل مني 

طريقتي في الدراسة !!!

طريقــــــتي فـــــــــــي الدراســـــــــــة 

في البوست اللي فات كنت قلت إني ح اتكلم عن كتب دكتور ماريا اللي عندي واللي كتبتها وكذلك كتب كتاب وباحثين آخرين اتكلموا عن طريقة منتسوري وكمان ح اتكلم عن الطريقة اللي كنت باتبعها في دراستي عشان اطلع بأكبر استفادة منها : 

ح احط الاول قائمة بالكتب اللي قريتها وبعدين ح اشرح طريقتي ببساطة : 

كتب د.ماريا :

1- اكتشاف الطفل                   2- العقل المستوعب

3- سر الطفولة                      4- الطفل في الأسرة

5- من الطفولة إلى المراهقة       6- التعليم من أجل السلام 

7- التربية من أجل عالم جديد     8- القوة الإنسانية الكامنة

9- طريقة منتسوري المتقدمة     10-المرشد في تعليم الصغار

وفي كتاب عبارة عن تجميع لمحاضرات وكتابات غير منشورة لـ د.منتسوري بعنوان : 

الطفل والمجتمع والعالم 

وأيضا كتاب كتبه أ/ جنانا بركاسام وقامت دكتور ماريا بنفسها بكتابة التمهيد له .. وكان بعنوان د.ماريا مونتسوري وماالذي يجب أن تعرفه عن طفلك

وفي كتاب عبارة عن مقتطفات من تعاليم وكتابات ماريا منتسوري قام بجمعها من الأصل : بول أوزوالد وجانتر تشولزبينيتش

أما عن الكتب اللي قام بكتابتها كتاب وباحثين 

مجموعة كتب أعدتها ليزا فانديرلندا 

1- منتسوري وطفلك ( دليل تمهيدي مع رسوم توضيحية )

2- د.ماريا منتسوري في البيت العربي 

3- منتسوري التطبيقات العملية مرحلة ماقبل المدرسة ( الحياة العملية )

4- منتسوري التطبيقات العملية مرحلة ماقبل المدرسة (الأنشطة الحسية)

وأخيرا كتاب باولا بولك ليلارد ولين ليلارد جيسين بعنوان :

مونتسوري من البداية (الطفل في البيت من الميلاد حتى سن الثالثة ) 

جميع الكتب السابقة يمكنك الحصول عليها من مكتبة دار الكلمة في مصر

أما طريقتي ... نكملها في بوست تاني عشان الافكار تبقى مرتبة

  

About Us

Montessori Child’s House Academy

 (MCHA), Cairo

هدى عبد العزيز : 

( المدير التنفيذي لأكاديمية بيت الطفل منتسوري /(MCHA)

 مستشار تعليمي ومدربة وموجهه منتسورى (

كانت بداياتها مع مونتيسوري منذ أكثر من 28 عامًا عندما أصبحت أمًا.

 كانت مصممة في قلبها لجعل نظام مونتيسورى مهمتها في الحياة وهذا ما تفعله. 

عندما قضت معظم حياتها في ما هى مقتنعة به - قبل 15 عامًا ، 

بدأت حضانة أكاديمية بيت الطفل مونتيسوري - 

حيث كرست كل طاقاتها لخدمة جيل المستقبل - 

وإعداد جيل من الأمهات وموجهين مونتيسوري بوعي ومعرفة.

أعمالها

ü     دورات للأمهات والمعلمات من ٣ - ٦

ü     تحكيم رسالة ماجستير عن فعالية برنامج قائم على منهج مونتيسوري في تطوير بعض مهارات

 الرياضيات للطالبات ذوات صعوبات التعلم

ü     إلقاء محاضرات في الحضانة الخاصة بها لتثقيف وتعليم المتدربات من الأمهات والمعلمات  

لتعليم أطفالهم عن طريق نظام مونتيسوري ، وتحميل هذه المحاضرات على قناة يوتيوب الخاصة بها: 

https://www.youtube.com/channel/UCEAKqV6IkH9OqW__UOVRddw/featured

ü     العمل كمحاضر اونلاين في منصة  رواق التعليمية  لإلقاء محاضرات حول منتسوري كنظام تعليمي. https://www.rwaq.org/courses/montessori-course

ü     لقد أقمت بإنشاء مدونة أكاديمية منتسوري بيت الطفل لتعليم المتدربات من المعلمات والأمهات طريقة مونتيسوري

https://montessori-child-house-academy.blogspot.com/

ü     العمل لمدة ٧ سنوات كمدرسة للمرحلة الإعدادية والثانوية في الكويت

الشهادات:

ü     - الدكتوراه المهنية في الصحة العقلية (فعالية منهج مونتيسوري في تنمية مهارات الأطفال 

ذوي صعوبات التعلم التنموية - سنوات ما قبل المدرسة)

ü      ماجستير في الصحة العقلية (بيئة مونتيسوري تدعم صحة الطفل العقلية - سنوات ما قبل المدرسة)

ü     دبلومة من مركز مونتيسوري أمريكا الشمالية (NAMC)   (العمر من ٠ إلى٣)

ü     دبلومة مونتيسوري  الدولية من معهد مونتيسوري للطفولة المبكرة (العمر من ٣  إلى ٦ سنوات)

 لتدريب المعلمين فرجينيا ، الولايات المتحدة الأمريكية

ü     دبلومة في صعوبات التعلم في مرحلة الطفولة المبكرة من جامعة القاهرة –تخصص  صعوبات تعلم

ü     دورة التعليم من أجل السلام من مونتيسوري سانت نيكولاس

ü     الترحيب بالمولود الجديد في الأسرة ، دورة مونتيسوري من مونتيسوري نيكولاس

ü     كيفية اختيار حضانة مونتيسوري لدورة طفلي من مونتيسوري سانت نيكولاس

ü     - دبلوم تدريب المدربين  (TOT)

ü     - دبلوم إدارة الجودة الشاملة من اتحاد المعلمين العرب

المؤتمرات

• مؤتمر مونتيسوري الدولي - القاهرة مصر

• منتسوري منسوري كراتشي الدولي - 

مؤتمر LMI بالتعاون مع منتسوري لندن الدولية

• مؤتمر القاهرة الدولي مونتيسوري 

بالتعاون مع مؤسسة لندن مونتيسوري الدولية في 27-28 يوليو 2019

Social media:

Facebook:  https://www.facebook.com/hodaabdelaziz11

Linkedin:   https://www.linkedin.com/in/hoda-abdelaziz

Pintrest :    https://www.pinterest.com/hoda_abdel_aziz

Twitter :     https://twitter.com/HodaAbdelAziz16

Youtube: 

https://www.youtube.com/channel/UCEAKqV6IkH9OqW__UOVRddw?view_as=subscriber

هايدي حسين

(موجهة و مدربة منتسوري )

موجهة خبيرة منتسوري لأكثر من ٨ سنوات في  أكاديمية بيت الطفل مونتيسوري) القاهرة ، مصر

بعد التخرج بدأت تتبع شغفها وحبها لمونتيسوري بسبب نشأتها في بيئة منتسوري. 

عملت كمدربة في MCHNA فأدى التعامل المباشر مع الأطفال إلى صقل إمكاناتها الأساسية

 مع اهتمامها وخلفيتها وعملها الدؤوب وتفانيها.

مع مرور الوقت أصبح لديها قيادة كاملة وإتقان عالى بنظام مونتيسوري.

خبرة العمل:

موجهة مونتيسورى لأكثر من ٨ سنوات في  حضانة أكاديمية بيت الطفل مونتيسوري  (MCHNA)

مدربة رئيسية في معهد  أكاديمية بيت الطفل مونتيسوري (MCHA)

استشاري تعليمى في معهد أكاديمية بيت الطفل مونتيسوري  (MCHA)

التعليم:

دبلومة مونتيسوري (٠ - ٣) من أكاديمية بيت الطفل مونتيسوري (MCHA)

دبلومة مونتيسوري (٣ - ٦) من أكاديمية بيت الطفل مونتيسوري  (MCHA)

ماجستير إدارة الأعمال  الدولية من أكاديمية السادات 

درجة البكالوريوس من كلية إدارة الأعمال في المنظمات البترولية ، أكاديمية السادات ، المعادي

د. سمر حسين

(موجهة ومدربة منتسوري ) 

خبيرة منتسوري لأكثر من ٧ سنوات في أكاديمية بيت الطفل مونتيسوري - القاهرة ، مصر

جاءت نقطة التحول في حياتها عندما أتيحت لها الفرصة للعمل بمجال التعليم للعمل 

كموجهة مونتسورى مع اتصال مباشر مع الأطفال في MCHNA خلال عطلتها الصيفية ، 

بعد تخرجها من الصيدلة ، قررت أنها ستكرس كل وقتها لمونتيسوري ، 

والعمل فقط من أجل ذلك. إن عملها الجاد واهتمامها والنضج في فهم نظام مونتيسوري ،

 وشعورها العميق بالمسؤولية أدى إلى أداء ممتاز للطلاب. 

تفاعلها مع الأمهات وتحدثها عن طريقة مونتيسوري في تربية أطفالهم

 اتاح لها العمل كمستشارة تعليمية في معهد أكاديمية بيت الطفل مونتيسوري.

خبرة العمل:

مديرة  لأكثر من 7 سنوات في حضانة أكاديمية بيت الطفل مونتيسوري  (MCHNA)

مدربة رئيسية في معهد أكاديمية بيت الطفل مونتيسوري  (MCHA)

استشاري تعليمى في معهد اكادمية بيت الطفل مونتيسوري  (MCHA)

التعليم:

دبلومة مونتيسوري (٠ - ٣) من أكاديمية بيت الطفل مونتيسوري (MCHA)

دبلومة مونتيسوري (٣ - ٦) من أكاديمية بيت الطفل مونتيسوري  (MCHA)

البورد الأمريكي في الصحة الدوائية  

درجة البكالوريوس من كلية صيدلة - الجامعة الألمانية